Javët e fundit Barcelona i ka lëvizur me shpejtësi gurët për transferimin e mbrojtësit të Real Betis Emerson Royal në ‘’ Camp Nou ‘’. Katalanasit prej kohësh po e ndjekin me kujdes progresin e brazilianit por së fundmi është shtuar edhe një pretendent për shërbimet e tij . Interi po përgatitet për revolucionin e të ardhmes dhe sipas gazetarit të njohur italian Gianluca Di Marzio një ndër objektivat e drejtuesve është 22 vjeçari.
Ky opsion ka filluar të marrë forcë tek Interi sepse i druhen largimit të Achraf Hakimit i cili e ka befasuar Antonio Conten me paraqitjet e shkëlqyera dhe pas derës është Paris St Germain .
Në lidhje me këtë operacion duhet përmendur se nëse Emerson Royal do të zbarkojë në ‘’ Giusseppe Meazza ‘’ përfitimet do të ndahen ndërmjet Real Betisit dhe Barcelonës , por në rast se katalanasit do ta shtynin akoma më shumë qëndrimin e Emerson Royal në ‘’ Benito Villamarin ‘’ shifra automatikisht do të reduktohej . Me ‘’ Los Verdiblancos ‘’ lojtari i lindur në Sao Paolo e ka rritur bindshëm nivelin dhe aftësitë premtuese që mbart i ka kanalizuar në 37 takime dhe 2 gola .
Drejtuesit nga Milano pa dyshim do të kërkojnë lojtarë me një çmim të arsyeshëm sepse aktualisht po vuajnë në aspektin ekonomik por suksesi i arritur me fitimin e Scudettos është një plus për zikaltërit për të triumfuar në lidhje me transferimet , periudhë që do ti shërbejë kompletimit të tyre për sezonin e ardhshëm në të cilin pretendojnë të rikthehen sa më në formë sidomos në kompeticionin e Uefa Champions Leagues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
