Bisedimet ndërmjet drejtuesve të Chelseat dhe atyre të Manchester City-t për Raheem Sterling janë duke avancuar me sukses .
Xhamajkani nuk përfshihet më në planet e Guardiolas për të ardhmen dhe ‘’ Blutë e Londrës ‘’ do ta nisin etapën e re në historinë e tyre , me fokusin maksimal tek transferimet cilësore.
Sipas Fabrizio Romanos parashikohet një takim ndërmjet palëve në vijimësi për ta konkretizuar pasi Thomas Tuchel e konsideron 27 vjeçarin një ndër prioritetet e merkatos së verës.
Gjithçka sapo ka filluar për anglezët , të cilët sigurisht në sezonin vijues do të jenë një ndër kandidatët potencialë për të fituar trofe të rëndësishëm , rrugë e cila parashikohet se do të jetë më e lehtë me miliarderin Todd Boehly që ka premtuar se do të luftojë deri në fund për ta afruar Chelsean përsëri drejt sukseseve .
Eksperienca e ekstremit do ta favorizonte ofensivën e kryeqytetasve dhe favori i tij në këtë rast është se i njeh me detaje gjigandët e Premier Leagues dhe më gjere sepse deri më tani karrierën e ka zhvilluar në këtë kampionat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
