Sulmuesi i Portugalisë, Cristiano Ronaldo, përzgjidhet si “Këpuca e Artë” e “Euro2020”-s. Edhe pse ka luajtur vetëm katër ndeshje, me 5 golat e realizuar gjatë tyre, ai është përzgjedhur si golashënuesi më i mirë i këtij turneu.
Cristiano Ronaldo e nisi “aventurën” e tij në europian me dy gola në fitoren 3-0 kundër Hungarisë, një në humbjen 4-2 ndaj Gjermanisë, si dhe dy golat e realizuar nga pika e penalltisë në barazimin 2-2 me Francën.
Portieri i kombëtares së Italisë, Gianluigi Donnarumma, është shpallur “Lojtari më i mirë” i “Euro2020”-s. Gardiani i portës ‘azzurre’, në finale bëri paraqitje fantastike duke pritur edhe dy penallti, në përfundim të të cilave Italia fitoi 3-2 dhe meritoi titullin e kampiones së Europës.
21-vjeçari bëri një garë fantastike, duke qenë një nga fytyrat kryesore të këtij triumfi të Italisë për herë të dytë në histori të këtij vendi.
Lojtari i ri më i mirë i “Euro2020” u shpall Pedri i Spanjës, Pedro González López. 18-vjeçari i Barcelonës ishte një motor i palodhshëm, një nga lojtarët më të mirë të furive të kuq, një talent i pastër që magjepsi me perfomancën e tij. Pedri mori vlerësime me superlative, për lojën e tij spektakolare në humbjen në gjysmëfinale ndaj Italisë, ku nuk gaboi në 65 raste nga 66 pasimet që kreu gjatë 120 minutave të ndeshjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
