Pas rikuperimit të versionit më të mirë të lojës, Inter Miami tashmë ka filluar kontaktet e para për transferimin e Lionel Messit.
Argjentinasi e përfundon kontratën në ‘’ Parque de Prince ‘’ në 30 qershorin vijues dhe sipas gazetarit Jose Alvarez i cili përfaqëson të famshmen spanjolle ‘ Chiringuito de Jugones ‘, Inter Miami i lideruar nga legjenda angleze David Beckham mund të ketë privilegjin e përforcimit me ‘’ La Pulgan ‘’ në verën e 2023-shit.
Para shumë kohësh përflitej për një rikthim të 35 vjeçarit tek Newell’s Old Boys për të finalizuar karrierën por për momentin nuk konsiderohet një opsion për shtatë herë fituesin e ‘’ Topit të Artë ‘’ dhe Inter Miami kërkon të shtojë cilësinë në metrat e fundit me ishi-n e Barcelonës.
Etapa në kontinentin e vjetër parashikohet drejt përfundimit por Paris St Germain synon që të fitojë Champions Leaguen për të parën herë në histori dhe me Lionel Messin në skuadër , pa harruar Mbappen apo Neymar Juniorin ky objektiv mund të realizohet në sezonin aktual.
Për të arritur në një konkluzion duhet akoma kohë sepse momentalisht, asi nga Rosario është i fokusuar maksimalisht tek Botërori i Katarit dhe do të synojë fitimin e Kupës së tretë në historinë e ‘’ Albicelestëve ‘’ , trofeu i vetëm që i mungon vitrinës së mbushur me të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
