Franck Kessie i përfundon kontrata me Milanin në verën e vitit tjetër, por ende nuk ka rinovuar. Kjo ka shqetësuar së tepërmi tifozët e kuqezinjve, të cilët këtë verë panë që nga skuadra e tyre të largoheshin dy lojtarë të rëndësishëm, si Gianluigi Donnarumma dhe Hakan Calhanoglu.
Sipas “Sportmediaset”, Liverpool kërkon t’ia rrëmbejë mesfushorin Milanit. Klubi anglez është gati t’i ofrojë një kontratë me 8 milionë euro, në mënyrë që ta bindë mesfushorin nga Bregu i Fildishtë, që të kalojë në “Anfield”.
Nga ana tjetër Milani është gati të kënaqë Kessie, teksa në ofertën e re për rinovimin kanë menduar t’i propozojnë 6 milionë euro në sezon.
Në ditët e ardhshme pritet të vendoset gjithçka në lidhje me këtë, por gjasat janë të mëdha që lojtari të rinovojë me Milanin, për shkak të lidhjes së ngushtë që ka me skuadrën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
