Raportet mes markës së veshjeve sportive Adidas dhe përfaqësueses gjermane të futbollit kthehet të jetë në qendër të vëmendjes në media.
Por këtë radhë jo për mbylljen e bashkëpunimit mes tyre, por për një temë që lidhet me simbologjinë naziste.
Kompania e njohur gjermane bëri të ditur se do të heqë dorë nga përdorimi i numrit 44 në fanellat e Die Mannschaft pasi ky numër të kujton famëkeqin SS e përdorur nga nacionalistët, simboli i ndaluar i ‘Schutzstaffel’ të Hitlerit.
Një nga zëdhënëstit e Adidas, Oliver Bruggen tha më herët për mediat gjermane se gjiganti i veshjeve sportive do të "bllokonte numrin 44 sa më shpejt të jetë e mundur", duke shtuar se: "Si kompani ne kundërshtojmë në mënyrë aktive ksenofobinë, antisemitizmin, dhunën dhe urrejtjen në çdo formë”.
Që nga e marta, opsioni për të personalizuar fanellat e skuadrës gjermane ishte hequr nga faqet e internetit të Adidas, megjithëse mbetet në fuqi për uniformat e kombeve të tjera.
DFB zbuloi uniformat e reja të Gjermanisë, të cilat do të vishen nga ekipet e meshkujve dhe femrave, në fund të marsit.
Skuadra e meshkujve debutoi me fanellat gjatë një ndeshjeje kundër Francës dhe ato do të vishen në Kampionatin Evropian të UEFA-s 2024, i cili do të mbahet në Gjermani këtë verë.
Më pak se dy javë më parë, DFB njoftoi se Nike do të marrë drejtimin nga Adidas si furnizuesi zyrtar i fanellave të ekipit gjerman të futbollit nga viti 2027.
Adidas ka prodhuar fanellat e vendit që nga vitet 1950, kohë gjatë së cilës ekipi i meshkujve (qoftë si Gjermania ose Gjermania Perëndimore ) ka pretenduar katër Kupa Botërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
