Gazetari Pano Xhixho, duke folur për arbitrimin në Superiore këtë sezon, deklaroi se arbitrat e kanë personalitetin për t’i vendosur ndeshjet në fushë dhe të mos presin vetëm nga VAR.
Në emisionin “Skaner” në MCN TV, Xhixho deklaroi se VAR-i duhet të ndërhyjë sa më pak gjatë një ndeshje.
Ndonjëherë VAR-in edhe e snobojnë. Arbitrat kanë personalitetin dhe autoritetin, që ta vendosin ata ndeshjen në fushë me vendimet e tyre.
Është vetëm viti i dytë i VAR në Shqipëri dhe në duhet të kuptojmë se avash-avash edhe arbitrat do të kenë personalitetin e tyre. VAR duhet të ndërhyjë sa më pak në lojë. VAR duhet të ndërhyjë në vendimet bardhezi.
Ajo e arbitrave është një skuadër tjetër, e 11-ta në kampionat. Nuk mund të gjykojmë një arbitër për një ndeshje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
