Mbërritja e Bruno Lage në pankinën e Wolves e ka ndryshuar krejtësisht situatën e komponentëve më të rëndësishëm të anglezëve . Para disa kohësh u përfol shumë për largimin e Adama Traores nga ‘’ Molineux ‘’ por me kapacitetin e tij portugezi i ka dhënë një tjetër funksionim kësaj skuadre e cila është drejt rikuperimit të versionit të saj më të mirë.
Sipas As , drejtuesit e Wolves ishin të hapur për dëgjimin e ofertave në adresë të spanjollit dhe Ruben Neves por sezoni i ri i ka bërë të tërhiqen nga kjo ide për arsye se Adama Traore po gëzon një formë të shkëlqyer që ka ndikuar në mënyrë direkte në performancën e Wolves gjatë ndeshjeve .
Një ndër pretendentët më këmbngulës për 25 vjeçarin ishte Barcelona e cila e vijon ta ndjekë prej shumë vitesh bishën e sulmit të Wolves por s’duhet mënjanuar as Bayern Munchen , Manchester City dhe Tottenham Hotspur . Kalimi i Nuno Espirito Santos në ‘’ White Hart Lane ‘’ u mendua se do të ndikonte për transferimin e ish nxësësit të tij por zhvillimet e javëve të fundit e kanë fuqizuar idenë e qëndrimit të Adama Traores dhe me shumë gjasa skuadrat e lartpërmendura do ta kenë shumë të vështirë që t’ia rrëmbejnë anglezëve .
Pavarësisht se cilësohet si një skuadër e dorës së dytë në Premier League , Wolves ka treguar se është një kundërshtar për tu respektuar dhe e ka zgjeruar suksesin edhe me pjesëmarrjen në Uefa Europa League në sezonin 2019-2020.
Duke konsideruar eksperiencën tek ‘’ Ujqërit “ është e natyrshme që ishi-t të Middlesbrough ti vihet një etiketë e tillë sepse me sakrificat e bëra ka arritur të pozicionohet ndër lojtarët më të preferuar të merkatos dhe padiskutim është një pikë referuese në skemat e trainerit luzitan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
