Gazetari Gerti Çarçani e konsideroi të pritshëm vendimin e UEFA-s për t’i dhënë fitoren në tavolinë Rumanisë, pas abandonimit të fushës nga Kosova, si pasojë e koreve raciste nga vendasit.
Duke folur në “Mcn Informacion” Çarçani tha se situata nuk ishte e njëjtë me ndeshjen Serbi-Shqipëri, pasi në atë sfidë zyrtarët e ndeshjes vendosën mos vazhdimin e saj.
“UEFA s’mund të dilte nga konturet ligjore, parashikimi s’ishte thjesht një projeksion fantazist, por kishte të bënte me rregulloren, që kur abandonin fushën, dhe kur zyrtarët e ndeshjes s’ta rekomandojnë këtë gjë, natyrisht futbollistët e Kosovës, sikundër e kemi cekur, për shkak të ekzagjerimit në masë të koreve raciste nga tifozët rumunë, pritej një vendim i tillë, pikët do të liheshin në tavolinë. Ka një mal të madh me gjoba për federatën rumune dhe ishte një vendim jo surprizë. Nuk ka lidhje me ndeshjen në Beograd Serbi-Shqipëri, sepse ishte krejt tjetër klimë. Ishte një vendim i marrë nga autoritetet dhe zyrtarët e ndeshjes për mos vazhdimit të ndeshjesh. Por edhe nëse do t’i merrte pikët Kosova në tavolinë 0-3, Rumania do ishte e para. Futbollistët e Kosovës s’e kishin mendjen te rezultati dhe i shkuan diçkaje që duhej bërë, por s’mund të kalohen ca vija të kuqe që na cenojnë identitetin dhe simbolet kombëtare. Të drejtën për apelim e ka çdo federatë. E fundit fare është Arbritrazhi i Lozanës. Në perceptimin tim Kosova do ta ndalojë këtu”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
