Barcelona nuk dorëzohet për Christensen

 Prej kohësh Andreas Christensen po ndiqet seriozisht nga skuadra të elitës dhe një ndër to është Barcelona që s’mendon të dorëhiqet  për danezin .

Me eksperiencën e tij, 25 vjeçari i ka ardhur në ndihmë prapavijës së Chelseat , skuadër me të cilën u kurorëzua si kampion i Champions Leagues në vitin e kaluar dhe sipas ‘ Mundodeportivos ‘ , ‘’ Los Cules ‘’ do të tentojnë deri në fund për ta larguar nga ‘’ Stamford Bridge ‘’. 

Me Clement Lenglet , Umtiti apo Eric Garcia , Xavi Hernandez nuk ka shumë garanci  dhe Andreas Christensen përmban të gjithë komponentët që vlerëson ish kampioni i botës për të reduktuar problematikat në mbrojtje.

Avantazhi i spanjollëve në këtë rast është se ishi i Monchengladbahut nuk konsiderohet i domosdsoshëm nga traineri gjerman  dhe në ‘’ Camp Nou ‘’ mund të shëndërrohej në një referent absolut , tek një repart që pret prej vitesh për tu përmirësuar.

Një ndër aspektet më të vlerësuar tek nordiku është mënyra e ngjashme e lojës me atë të uruguajanit Araujo , për të cilin po kembëngulet  për ti rinovuar kontratën .

Ndërsa për Andreas Christensen por edhe për ‘’ Blutë e Londrës ‘’ është një moment i veçantë për arsye të afrimit me fundin e kontratës e cila do ta bëjë xhiron e mbetur në 30 qershor dhe nëse kjo çështje do të shtyhet edhe më gjatë , anglezët mund ta humbasin me parametër zero .

 Barcelona është shumë e vetëdijshme se objektivi për arritjen e majave duhet të mbështetet nga ndërhyrjet cilësore dhe gjithçka ti rikthehet normalitetit në Katalunjë.  

Loja e kanalizuar në 23 sfida dhe 2 gola prapëseprapë nuk e ka shëndërruar në një domosdoshmëri për kryeqytetasit dhe Barcelona kërkon të përfitojë në maksimum  dhe ti japë shansin për të provuar një ndër ligat më kompetitive në planet .