Peshëngritësi shqiptar, Briken Calja edhe zyrtarisht është kampion bote në shkëputje dhe nënkampion në shtytje. Për të shuar të gjitha dyshimet, Calja ka zbuluar përgjigjet e testeve antidoping.
Në postimin e tij, Calja është shfaqur i lumtur teksa shkruan se testet antidoping treguan pastërtinë dhe vërtetësinë e medaljeve historike të Botërorit të fundit.
“Një lajm i mirë mbërriti këtë mëngjes: Testet antidoping dolën duke treguar pastërtinë dhe vërtetësinë e medaljeve historike të Botërorit të fundit.
Jam jashtëzakonisht i lumtur që medaljet e arit dhe të argjendit certifikohen si të Shqipërisë, të shqiptarëve dhe personalisht të miat.
Zyrtarisht Kampion Bote në shkëputje dhe nënkampion në shtytje dhe dygarësh.”, shkruan Calja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
