Dinamo nuk e ka ndalur punën për përforcimin e skuadrës, as në ditën e fundit të merkatos. “Nëndetësja blu” ka prezantuar edhe afrimin e fundit. Edis Maliqi do të jetë pjesë e kryeqytetasve në sezonin e ri.
Ka qenë vetë klubi i Dinamos që ka zyrtarizuar firmën me futbollistin 26-vjeçar. Maliqi vjen nga skuadra e Lokomotivës së Zagrebit, me të cilët luajti në sezonin e fundit në kampionatin kroat.
Deri në tetor të vitit të kaluar, mbrojtësi i djathtë ishte pjesë e Kukësit, me të cilët luajti për 2 sezone. Në të kaluarën Maliqi ka luajtur edhe për Shkupin, Makedonija dhe Rabotnicki Skopje në Maqedoninë e Veriut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
