Sulmuesi Marco Reus, do të vazhdojë të jetë pjesë e Borussia Dortmund, për të paktën edhe një tjetër sezon.
Klubi verdhezi, ka njoftuar këtë të enjte, rinovimin e kontratës me 33-vjeçarin. Palët kanë zgjatur bashkëpunimin deri në verën e vitit 2024.
Reus njihet për dashurinë e madhe që ka për fanellën e Dortmund, pasi nuk e ka tradhtuar kurrë, duke refuzuar edhe oferta të majme nga klube të mëdha europiane.
Në edicionin e fundit të Bundesligës, futbollisti ka luajtur 20 ndeshje, ku numëron 6 gola dhe ka dhënë pasin e fundit 4 herë. Kujtojmë se transferimi i tij te Borussia Dortmund u krye në vitin 2012, kur erdhi nga Borussia Moenchegladbah.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
