Thomas Tuchel vijon tejet i përqëndruar në këtë merkato verore , periudhë shumë e rëndësishme për të ardhmen e Chelseas.
Me ndryshimin e pronarit ‘’ Blutë e Londrës ‘’ mund të marrin frymë lirisht dhe traineri gjerman po jep maksimumin për ta rikthyer përsëri lumturinë në ‘’ Stamford Bridge ‘’.
Duke patur parasysh që Timo Werner kërkon largimin nga kryeqytetasit prej kohësh , drejtuesit e tyre po planifikojnë një shkëmbim ndërmjet objektivit të tyre dhe golashënuesit .
Josko Gvardiol prej kohësh ndiqet nga Thomas Tuchel dhe sipas ‘ Daily Mail ‘ , ishi i Borussia Dortmundit ka kërkuar ta ketë pjesë të skuadrës.
Pas largimit të Christensen dhe Rudiger nuk përjashtohet që Cesar Azpilicueta dhe Marcos Alonso të vijojnë të njëjtën rrugë , fakt që detyron numrin një të pankinës të reagojë menjëherë për përforcimin e prapavijës pavarësisht se së fundmi Chelsea ka firmosur me Kalidou Koulibaly dhe Raheem Sterling dhe po tentohet pa pushim edhe për anësorin e Brightonit Marc Cucurella.
Gjigandët e Premier Leagues vijojnë ti mbajnë të ndezura shpresat se do të mund të bindin gjermanët për largimin e 20 vjeçarit nga ‘’ Red Bull Arena ‘’ dhe në vijimësi të luftojnë për tu rikthyer tek titujt, të cilët me Thomas Tuchelin në stol e kanë treguar se mund të kalojnë çdo pengesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
