Në orët e fundit drejtuesit e Manchester City-t kanë nisur tratativat për të firmosur me një ndër talentët e Boca Juniors. Valentin Barco, i cili para pak kohësh ishte afër Sevillas , tanimë preferohet nga traineri Pep Guardiola , për të cilin ‘’ Qytetarët ‘’ thuhet se do të ofrojnë rreth 15 milionë euro. Edhe pse sezoni me ‘’ Los Xeneizes ‘’ nuk ka shkuar ashtu siç duhet, vlerat e 19 vjeçarit janë të padiskutueshme, fakt që përforcohet nga interesi i një ndër trainerëve më të mirë në glob. Mesfushori ofensiv ka shkëlqyer në kategoritë inferiore të skuadrës nga Buenos Airesi dhe tanimë do të ketë një mundësi për të provuar veten në Europë, tek ekipi më i mirë aktualisht. Bardhekaltërit do të tentojnë ta transferojnë në ‘’ Etihad ‘’ gjatë merkatos së janarit, nga të cilët konsiderohet një prioritet gjatë kësaj periudhe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
