Pas largimit të Lionel Messit tek Paris St Germain , Barcelona vijon e paluhatur luftën për të përmirësuar aspektin ekonomik . Katalanasit do të kenë shumë punë në vijim sepse do ti duhet të bëjnë pa legjendën e klubit, kontributi i të cilit i ka ndihmuar të fitojnë shumë trofe përgjatë viteve .
Skuadrat me emër në Europë duan të vazhdojnë ti dobësojnë spanjollët dhe këtë herë në skenë është shfaqur Milani. Kuqezinjtë nuk kanë reshtur së bëri llogaritë e nevojshme në vigjilie të sezonit të ri dhe sipas Sport pas avancimit në lidhje me negociatat për transferimin e Alessandro Florenzit në Milano kanë vënë fokusin tek Sergino Dest .
Stefano Pioli e konsideron si alternativën e dytë në rast se italianët dështojnë në operacionin e mesfushorit të mirënjohur.
Amerikani u transferua në Katalunjë përpara një viti por kuq e blutë janë të gatshëm për dëgjimin e ofertave në adresë të 20 vjeçarit për tu liruar disi nga ngërci ekonomik që nuk po i lë të ngrejnë kokën . Në lidhje me largimin e mundshëm të Sergino Dest , krahu i djathtë i Barcelonës do të ishte i mirëmbuluar për arsye se Ronald Koeman mund të mbështetet tek Emerson Palmieri dhe Sergi Roberto.
41 ndeshje dhe 3 gola kanë rezultuar të mjaftueshme për ishi-n e Ajax Amsterdamit për tu vënë në fokusin e një ndër rivalëve më të fortë të Serisë A dhe me gjerë i cili do të provojë përsëri shijen e të qënit pjesëmarrës në Uefa Champions Leagues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
