Kosova do të luajë ndeshje miqësore me Zvicrën ditën e sotme, sfidë kjo e cila do të zhvillohet në Zyrih, me fillim nga ora 18:00.
Në një stadium, ku shumica e tifozëve pritet të jenë shqiptarë, “Dardanët” do të kërkojnë triumfin.
Në prag të kësaj sfide, trajneri Alain Giresse ka vendosur formacionin, me të cilin do të zbresë në fushë.
Ndonëse ende nuk është zyrtar, me shumë mundësi Kosova do të luajë me këtë 11-she: Në portë, Muric, në mbrojtje Aliti dhe Rrahmani në qendër dhe nga krahët Hadërgjonaj dhe Vojvoda.
Dyshja e mesfushës do të përbëhet nga Dresevic dhe Domgjoni, ndërsa treshja pas sulmuesit Muriqi, do të përbëhet nga Zhegrova, Rashica dhe Valon Berisha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
