Pas një fillimi jo të mirë të sezonit i cili u reflektua edhe me eleminimin në Champions League kundër Villarealit , Juventusi ka filluar të reagojë pavarësisht se me Massimilliano Allegrin në krye të stolit vijimësia parashikohet e ndërlikuar.
Etapa e dytë e italianit tek ‘’ Zonja e Vjetër ‘’ nuk po rezulton siç pritej për vetë faktin se konkurrenca është ashpërsuar në të gjitha kompeticionet edhe pse bardhezinjtë lanë shenjë në të kaluarën me fitimin e Scudettos për 9 sezone rradhazi .
Duke qenë se torinezët shquhen si protagonistë absolutë kryesisht në Itali , drejtuesit kanë marrë parasysh gjithçka dhe kanë nisur ofensivën për një teknik që shkroi historinë me Real Madridin .
Zinedine Zidane është bërë sërish pjesë e planeve të juventinëve edhe pse etapa e dytë në ‘’ Santiago Bernabeu ‘’ i shkaktoi shumë shpejt largimin duke ia lënë vendin Carlo Ancelottit por theksi vihet tek kontributi i dhënë nga ‘’ Zizou ‘’ tek ‘’ Galaktikët ‘’ me tre Champions League të fituara e shumë trofe të tjerë .
Edhe Newcastle tentoi ta bindë 49 vjeçarin në të kaluarën por refuzimin e ‘’ Las Urracas ‘’ e justifikoi me faktin se kërkon të bëhet pjesë e një skuadre me histori dhe që mund ti garantojë sukseset në të ardhmen .
Torinezët prej shumë vitesh i kanë dhënë rezultatet por do ti duhet të mposhtin rivalë të vështirë si Paris St Germain , Manchester United dhe kombëtaren e ‘’ Gjelave ‘’ e cila do ta nisë Botërorin e Katarit si kampione , me shpresa të rinovuara dhe me një grup lojtarësh të gatshëm për të përsëritur eksperiencën e mrekullueshme të katër viteve më parë .
Tek Juventusi pritet reagimi dhe drejtuesit kanë preferuar ti marrin gjërat me qetësi për ti dhënë zgjidhjen e merituar problematikave të kohëve të fundit që nuk janë pak për rekordmenët e Serisë A .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
