Ish-mbrojtësin e Skënderbeut, Jorgo Pëllumbi mund ta shikojmë sërish në Superiore për gjysmën e dytë të kampionatit. “MCN” zbulon se mbrojtësi kërkohet nga Teuta dhe Kukësi.
Pjesë e Varazdin nga shtatori i 2020, Pëllumbi mund të rikthehet në Shqipëri në huazim për 6 muaj.
Te Varazdin janë të hapur për ta rikthyer 6 muaj në huazim në Superiore lojtarin, ndërsa tashmë janë në kërkim të një zëvendësuesi. Ditët e ardhshme pritet të jenë vendimtare për kapitenin e Shqipërisë U-21.
Pëllumbi ka dalë nga akademia e Skënderbeut, ndërsa nga 2018 deri në 2020, luajti edhe me ekipin e parë të korçarëve, ku tregoi paraqitje të shkëlqyera, falë të cilave bëri edhe hapin e rëndësishëm në karrierë, duke u transferuar në një kampionat të rëndësishëm siç është ai kroat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
