Shumë shpejt Barcelona ka mundur të reagojë në lidhje me largimin e Sergio Busquets duke e gjetur zëvëndësuesin ideal .
Xavi Hernandez i ka vënë pikat mbi i në momentin e duhur duke piketuar Martin Zubimendin e Real Sociedadit si lojtarin ideal për të ardhmen .
Mesfushori është një ndër pikat më të forta në 11-shen e Imanol Alguacil dhe tanimë drejtuesit e bardhebluve kanë përcaktuar çmimin për largimin e spanjollit .
Ja vlen për tu theksuar se 23 vjeçari e përfundon kontratën me vaskët në 30 qershorin e 2025-sës por interesi i Barcelonës konsiderohet një plus për të ardhmen sepse mund ta afrojë me trofetë perlën e ‘’ Los Txiuriurdines ‘’.
25 milionë euro kërkon Real Sociedadi për një ndër më të mirët e skuadrës i cili sipas ‘ Mundodeportivos ‘’ konsiderohet preferenca e numrit një të pankinës së ‘’ Blaugranëve ‘’.
Eshtë shumë e rëndësishme të evidentohet se Barcelonës i duhen ende përforcime cilësore për të arritur aty ku duhet por rruga e bërë deri më tani , me mbështetjen e fuqishme të Joan Laportas demostron një punë për tu duartrokitur nga ana e krerëve të klubit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
