Artan Shyti: Anglia kështu e ka, niset mirë dhe ndalet në mes

Akademiku Artan Shyti, në emisionin “Skaneri i Botërorit” në MCN TV, analizoi fitoren 6-2 të Anglisë ndaj Iranit.

Sipas Shytit, Anglia kështu e nis në fillim, por më pas ndalen në mes. Ai tha se problemin te skuadra e Southgate e shikon te mbrojtja.

Anglia kështu e ka, niset shumë mirë dhe në mes ndalet. Do preferoja 4-0, jo 6-2. Anglia do provohet nëse është e frikshme, kur të ketë përballë një ekip që ka sulm më të mirë. Më duket sikur mbrojtja është pika më e dobët.

Mesfusha dhe sulmi janë shumë mirë. Për të qenë një ekip bombë, duhet edhe mbrojtja. Nëse Maguire nuk luan dhe do të jetë Dier, mbrojtja e Anglisë është më e fortë. Nga ajo që pamë sot, mbrojtja është pika, ku nëse duhet ta kritikojmë, këtu mund ta kritikojmë.