Largimi i Jose Mourinhos nga Tottenhami impulsuar aksionet e ‘’ Gjelave të Londrës ‘’ për gjetjen e profilit ideal për stolin . ‘’ Spursat ‘’ e kanë hedhur grepin tek ish legjenda e Liverpoolit Steven Gerrard . Anglezit i ka buzëqeshur fati me Glasgow Rangers sepse ka bërë një punë të shkëlqyer dhe me shumë meritë është ngjitur në këtë shkallë të karrierës . Sipas ‘’ Express ‘’ 40 vjecari ka ditur të menaxhojë presionin në një ligë si ajo e Skocisë nën drejtimin e kampionit në fuqi . Profili i Steven Gerrard përputhet ashtu siç duhet me Premier Leaguen sepse e njeh shumë mirë këtë kampionat për shkak të së kaluarës brilante me ‘’ The Redsat ‘’ dhe kualiteti i tij është një sfidë tërheqëse në funksion të progresit të anglezit .
Por kjo alternativë nuk është e vetmja sepse ‘’ The Whites ‘’ po shqyrtojnë me kujdes edhe ato të Julian Nagelsmann dhe Brendan Rodgers . Një skenar tjetër që mund të ndodhë lidhet edhe me situatën e Jurgen Klopp tek Liverpooli për të cilin flitet se mund të largohet shumë shpejt nga ‘’ Anfield Road ‘’ dhe llogjikisht kuptohet se në rast largimi të gjermanit pa as më të voglin dyshim Liverpooli do t’ia hapte derën Steven Gerrardit për të marrë në dorë fatin e pankinës .
Në këtë rast do të ishte një zgjedhje zemre dhe do ti jepte shansin e reflektimit të virtyteve në një tjetër funksion. Kjo çështje konsiderohet si disi e komplikuar sepse nevoja e të dyja skuadrave është mjaft e madhe për të lënë prapa krahëve nivelin e dobët te treguar por zgjedhja e trainerit anglez do te ishte me padiskutim ish skuadra e tij .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
