Aktivizimi i reduktuar i Davide Zappacostas tek Chelsea e ka vënë në qendër të largimeve italianin për të cilin ka shfaqur interes Atalanta . E ashtuquajtura ‘’ La Dea ‘’ pretendon forcimin e krahut të djathtë të mbrojtjes me një lojtar që mban mbi supe eksperiencën e nevojshme për të përfaqësuar ngjyrat zikaltër . Në të kaluarën 29 vjeçari ka provuar eksperienca me ekipe të dorës së dytë në Itali si Torino dhe Genoa , pa lënë në harresë as Romën .
Fakti se është një njohës shumë i mirë i Calcios shkon në favor të Davide Zappacostas i cili do të ishte një përforcim ideal për Atalantën që ka shkruar historinë në sezonet e fundit duke u përfaqësuar denjësisht në Uefa Champions League dhe ka paraqitur një rrezik konstant për çdo kundërshtar në Serinë A .
Transferimi i mundshëm në Bergamo sipas portalit Transfermarkt do ti kushtonte Atalantës rreth 8 milionë euro dhe me siguri do ti vinte shumë në ndihmë skemave të Gian Piero Gasperinit në prapavijë .
25 ndeshjet e zhvilluara me Genoan u shoqëruan me 4 gola por tanimë është përpara një mundësie të artë sepse Atalanta është një skuadër që ka shënuar rritje të konsiderueshme në vitet e fundit dhe gjithashtu do të kishte mundësinë e të luajturit në kompeticionin më të famshëm europian siç është Champions League .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
