Cështja Gianluigi Donnarumma është kthyer në një dhimbje koke për Milanin . Mungesa e një akordi midis palëve për rinovimin e italianit i ka përshpejtuar lëvizjet e kuqezinvje për gjetjen e një zëvëndësuesi ideal për 22 vjeçarin . Deri më tani drejtori sportiv Paolo Maldini nuk ka mundur të gjejë taktikat e duhura për të vulosur përfundimisht qëndrimin e shtatlartit në Milano i cili e përfundon kontratën në 30 qershor dhe ka bërë me dije emrin që mund të zbarkojë në Milano gjatë verës .
Flitet për Mike Maignan i cili ka arritur ta ngrejë në piedestal karrierën e tij me një skuadër të dorës së dytë siç është Lille . Fakti se momentalisht kryeson me meritë renditjen në Ligue 1 mbetet tepër domethënës dhe krijon perspektivën e ndryshimit të historisë në Francë . Pretendentët e Mike Maignan janë të shumtë por emri i Milani i ka paraprirë startit të ngjitjes së shkallëve të suksesit dhe të bëhet pjesë e një lige interesante siç është Seria A . Kjo alternativë shikohet si shumë e vlefshme nga Milani për vetë faktin se paga e majme që kërkon agjenti i Gianluigi Donnarumas Mino Raiola e detyron automatikisht për ta fokusuar vëmëndjen tek Mike Maignan dhe kështu ti hapë rrugë një revolucioni interesant në kuadratin e bardhë .
Motorrët e Milanit sapo janë ndezur , rrugë e cila do të ketë vështirësi dhe të papritura por me eksperiencën e madhe 18 herë fituesit e Scudettos do të dinë të përballojnë sfidat e ardhshme dhe një ndër to është prezantimi brilant në kompeticionin e munguar prej vitesh si Uefa Champions League .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
