Pavaresisht fitimit të Premier Leagues përsosmëria që e karakterizon Pep Guardiolan nuk ka limite . Pas kualifikimit historik në finalen e Uefa Champions Leagues ku do të ketë përballë Chelsean , traineri spanjoll ka deklaruar emrin e rradhës në lidhje me merkaton . Flitet për Declan Rice , lojtar ky që ka tejkaluar pritshmëritë në rradhët e West Ham United . Rendimenti i shkëlqyer në fushë ka kontribuar mjaftueshëm tek ‘’ The Hammers ‘’ të cilët po luftojnë fuqishëm për të siguruar një vend në kupat e Europës sezonin e ardhshëm .
22 vjeçari vlerësohet shumë nga i famshmi ‘’ Pep ‘’ që e konsideron si zëvëndësuesin ideal të brazilianit Fernandinho i cili është në metrat e fundit të karrierës. Bardhekaltërit kanë theksuar në shume raste se kërkojnë një garanci për të vijuar me funksionimin ideal të mesfushës për të mos e humbur shkëlqimin e deritanishëm që po përjetojnë ishullorët . Declan Rice i ka ngjitur me kujdes shkallët në karrierë por s’duhet harruar se kohë më përpara edhe Manchester United shfaqi interes për yllin e londinezëve , panoramë e cila do ti japë startin një lufte që do të diktojë shumë ashpërsi në verë.
Talenti i kombëtares së ‘’ Tre Luanëve ‘’ nuk ka të ndalur me progresin nën drejtimin e skocezit David Moyes që i ka dhënë besimin e duhur për të treguar vlerat në Premier League , dhe tashmë drejtuesit e kryeqytetasve janë koshientë se merkatoja do ti krijojë shansin për të fuqizuar arkat . 4 javë përpara përfundimit të sezonit Declan Rice ka arritur të aktivizohet në 32 takime dhe ka shënuar 1 gol por me shumë gjasa një interes i tillë nuk do ta mbajë edhe shumë kohë në Londër .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
