Juventus në garë për Calhanoglu

Këmbngulja e pakufijshme për sa i përket revolucionit të skuadrës vazhdon ti shtojë alternativat e Juventusit në lidhje me merkaton . Bardhezinjtë ketë herë kanë vendosur të peshkojnë tek Milani .  Interesi i tyre është Hakan Calhanoglu , mesfushor i cili  e përfundon kontratën me kuqezinjtë në 30 qershorin e ardhshëm , datë që mund ta favorizojë ‘’ Zonjën e Vjetër ‘’ për ta shtuar në organikë . 

Për momentin 18 herë kampionët e Serisë A janë në rrugë të mbarë vetëm në lidhje me rinovimin e gjigandit të sulmit Zlatan Ibrahimovic  dhe nga kjo situatë  Juventusi do të kërkojë të përfitojë sa më shumë të jetë e mundur .  Sipas Sky Sports  rroga  prej  5 milionë eurosh që kërkon turku ka mbetur një çështje pezull tek Milani  ,  shifër të cilën  Juventusi është i  gatshëm t’ia ofrojë Hakan Calhanoglu-s për ta transferuar në ‘’ Allianz Stadium ‘’ .

  Megjithatë një opsion që gjithmonë është praktikuar nga kjo skuadër është transferimi i lojtarëve  me parametër zero ,  por një situatë e tillë me shumë gjasa  nuk do ti shpëtojë kaq lehtë drejtuesve të Milanit me në krye të famshmin Paolo Maldini për të mos dalë me duar bosh në rast se kjo lëvizje do të konkretizohej .  Gjithsesi ashtu siç ndodh në të shumtat e rasteve  , lojtarë të një kalibri të tillë që konsiderohen si yjet e skuadrave të tyre nuk kanë vetëm një pretendent .  

Pikërisht në Premier League do të përjetohet një derbi shumë i ashpër londinez midis  Chelseat dhe Arsenalit të cilët e konsiderojnë si një element të vyer për të tjetërsuar funksionimin e mesfushës sepse fakti i të qënit një lojtar polifunksional do ti gjeneronte  një tjetër ritëm këtij reparti në të ardhmen . 7 golat e shënuar  të shoqëruar me 11 asiste në 34 ndeshjet e sezonit aktual e kanë lartësuar figurën e 27 vjeçarit  duke e shëndërruar në një pikë referuese në skemat e Stefano Piolit , statistika të cilat aktualisht theksojnë momentin më të mirë të karrierës së lojtarit të lindur në Mannheim të Gjermanisë .