Ka ndërruar jetë në moshën 80-vjeçare, ish-lojtari i Vllaznisë, Nikoll Gjergji. Lajmi është bërë i ditur nga vetë Vllaznia, nëpërmjet një postimi në faqen zyrtare të klubit.
Kuqeblutë i kanë shprehur ngushëllime familjes Gjergji, duke shkuar më tej se është një humbje e madhe për klubin shkodran.
Nikoll Gjergji ishte një nga emrat më të spikatur te Vllaznia në vitet ’60, teksa e nisi karrierën me këtë skuadër tek të rinjtë në vitin 1956. Para se të niste karrierën si futbollist të Vllaznia, Gjergji kur ishte i ri kishte luajtur edhe volejboll, por ishte marrë edhe me atletikë.
Pasi po kalonte një formë shumë të mirë, në moshën 27-vjeçcare, në vitin 1968, gjatë ndeshjes në Kupën Ballkanike, ndaj ekipit rumun të Farul Konstanca, ai pësoi një dëmtim të rëndë. Kjo e detyroi të qëndronte për një vit jashtë fushave të blerta. Pas kësaj, ai vendosi të mbyllë me futbollin e luajtur, duke u tërhequr përfundimisht.
Në vitet 1971-72, Gjergji nisi karrierën e tij si trajner, duke drejtuar ekipin e të rinjve të Vllaznisë, me të cilët punoi për disa vite.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
