Dështimi në merkaton e kaluar për blerjen e Bernardo Silvas i ka bërë më të fortë drejtuesit e Barcelonës të cilët janë të gatshëm të tentojnë përsëri për transferimin e portugezit në ‘’ Camp Nou ‘’.
Sipas ‘ Sport ‘ , plani i kuq e bluve është firmosja me 28 vjeçarin në vigjilie të sezonit 2023-2024 në mënyrë që ti bashkohet projektit ambicioz i cili ka startuar prej kohësh, me anë të cilit janë akorduar blerjet e Raphinhas , Lewandowskit, Christensen apo Kessie , lojtarë që kanë ndryshuar totalisht performancën e ‘’ Los Cules ‘’.
Pavarësisht problematikave të theksuara ekonomike , Barcelona vijon të besojë edhe pse Manchester City që në krye të herës ka theksuar se pretendon të arketojë 100 milionë euro për portugezin, kontrata e të cilit me ‘’ The Citiziens ‘’ mbetet në fuqi deri në 30 qershorin e 2025-sës.
Faktikisht edhe pse mbetet një ndër të preferuarit e Pep Guardiolas , ishi i Monacos ka patur kohë pas kohe luhatje gjatë ndeshjeve dhe vlera e kartonit prej 100 milionë eurosh nënkupton një lloj dyshimi i cili mund ti hapë probleme ‘’ Blaugranëve ‘’ në të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
