Interi luan një ndeshje të rëndësishme në Champions League, siç është ajo ndaj Portos. Zikaltërit fituan minimalisht ndeshjen e parë dhe do u mjaftonte një barazim për të shkuar në çerekfinale.
Në lidhje me këtë, ka folur edhe ish-lojtari i Interit, Marco Materazzi. Ky i fundit deklaroi se në rast se italianët kualifikohen në çerekfinale, gjithçka mund të ndodhë për suksesin e madh në këtë kompeticion.
Ky Inter duhet të vazhdojë rrugëtimin e tij në Europë, i cili është i përbërë nga ndeshje të mëdha. Nëse kalojnë turnin, gjithçka mund të ndodhë, por nuk duhet të ketë më ulje dhe ngritje. Tani e tutje janë të gjitha finale, edhe në Serinë.
Interi duhet ta mbyllë në zonën Champions në kampionat. Në të kundërt kjo do të dëmtonte imazhin e tyre si dhe ekonominë. Nuk ka kupa të tjera për këtë klub.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
