Trajneri i Dinamos, Dritan Mehmeti, foli për MCN TV, pas ndeshjes ku skuadra e tij triumfoi 2-0 ndaj Laçit.
Mehmeti deklaroi se është i lumtur, pasi skuadra e tij është në ekuilibër dhe nuk pëson gola.
Dua të falënderoj fillimisht çunat për shpirtin e garës që treguan, jo vetëm sot, por gjatë gjithë kohës kur po i trajnoj. Kanë treguar profesionalizëm të gjithë.
Në një sukses kanë rendësi të gjitha faktorët, por kryesorët janë lojtarët. Gjithçka shkon për ta.
Në pjesën e parë, në disa momente ishim dominues. Ishim më lart sa i përket zotërimit të topit. Shkuam më shpesh te [orta. Pjesën e dytë duhet ta nisnim ndryshe. Laçi na dominoi 20-25 minuta. Skuadra krijon tension. Kjo edhe për meritë të Laçit, sepse ka elementë të mirë dhe cilësorë. Jam i gëzuar që skuadra është në ekuilibër dhe nuk pëson gol. Duhet të punojmë sepse kemi shumë gjëra për të përmirësuar.
Kampionati është shumë i ngjeshur. Me një hap fals shkon te zona e kuqe. Është një kampionat i vështirë. Skuadrat nuk kanë shumë diferenca. Duhet të jemi të përqendruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
