Tahiri: Skema e Partizanit mund të jetë 4-1-4-1, do kërkojnë golin sa më shpejt

Ermal Tahiri, ish-futbollist, deklaroi në emisionin “Skaner” në MCN TV, se skema e Partizanit mund të jetë 4-1-4-1 dhe jo 4-2-31.

Sipas tij, nga formacioni, duket se të kuqtë do të kërkojnë golin sa më shpejt ndaj Astanës, por shtoi se duhet të jenë të kujdesshëm.

Mund të jetë 4-1-4-1. Kjo është e imponuar, për shkak të mungesave. Nuk e di si është gjendja e Taipit, që nuk është në formacion. Duket një reshtim, që Partizani do të kërkojë të shënojë sa më shpejt.

Kundërshtari është i fortë, të themi të vërtetën. Në mendimin tim, Astana do mbrohet dhe do të tentojë me kundërsulme. Ne duhet të jemi shumë të kujdesshëm. Na duhet goli, por duhet të administrojmë mirë.