Arsenal deklaron planin për Lautaro-n

 Pretendentëve të  shumtë për Lautaro Martinez kohët e fundit iu është bashkuar edhe Arsenali . ‘’ Topchinjtë ‘’ kanë zhvilluar një ndër performancat më të dështuara e cila  nuk i dha shansin e futjes në Europë dhe drejtuesit e londinezëve kërkojnë që të rikthejnë faqen me ndërhyrje cilësore . Sipas ‘’ The Athletic ‘’ ishi i Racing Club pëlqehet shumë nga Mikel Arteta i cili kërkon më tepër produktivitet në sulm dhe Lautaro Martinez i plotëson kërkesat e spanjollit .   

Argjentinasi me shumë meritë arriti të shëndërrohej në një protagonist në skemat e Antonio Contes duke kontribuar në suksesin e zikaltërve . Por italianët përpara një problematike të theksuar ekonomike janë të detyruar të aplikojnë shitjen e disa komponentëve të rëndësishëm për të krijuar stabilitetin e duhur  dhe pas Romelu Lukakut për të cilin interesohet Chelsea   edhe sulmuesi nga Bahia Blanca  ndodhet në të njëjtën rrugë.

Palët në fjalë do ti presë një verë e mbushur me negociata sepse Interi kërkon të transferojë në ‘’ Giusseppe Meazza ‘’ Hector Bellerin  për të zëvëndësuar Achraf Hakimin . Besohet se çelësi i këtij operacioni do të jetë Alexandre Lacazzette i cili nuk përfshihet në planet e trainerit spanjoll  por siç dihet Interit  i duhet të rikuperojë sa më shumë në anën ekonomike dhe javët e ardhshme pritet  të jenë më të qarta në lidhje me këtë çështje .

 Transferimet e deritanishme si Ben White , Nuno Tavarez dhe Sambi Lokonga i kanë ringjallur shpresat e  ‘’ The Gunners ‘’ të cilët  synojnë të hedhin  pas krahëve këtë eksperiencë  që do të mbetet njollë në historinë e londinezëve  .

 Karakteristikat e lojës së 23 vjeçarit përputhen shumë mirë me  ideologjinë e  Mikel Artetas , fakt që i shkon në favor anglezëve . 19 gola dhe 11 asiste në 48 ndeshje pa lënë mënjanë trofeun e Scudettos e bëjnë këtë lojtar gjithmonë edhe më tërheqës për  klubet  e njohura  dhe Arsenal shpreson që shumë shpejt ta transferojë në ‘’ Emirates ‘’.