Lazio nuk ka marrë lajme të mira në orët e fundit. Bardhekaltërit janë ndeshur me një situatë të paparashikuar sepse mesfushori Milinkoviç-Saviç ka deklaruar se kërkon të provojë veten diku tjetër. Serbi po ndiqet nga skuadra të njohura të cilat e kanë përforcuar largimin nga "Olimpico".
26-vjeçari është i bindur se ky është mometi ideal për t'u dhënë lamtumirën kryeqytetasve, të cilët i krijuan terrenin të njihej botërisht e më pas të pretendohej nga skuadrat më të njohura në rang europian dhe botëror.
Ish-sulmuesi i Chelseat dhe njëkohësisht agjenti i lojtarit të lindur në Spanjë, Mateja Kezman, i ka dhënë më tepër dritë të ardhmes së Milinkovic-Savic e cila do të jetë larg bardhekaltërve pavarësisht se kontrata i skadon në verën e 2024-tës .
Bashkombasi i tij ka deklaruar me siguri të plotë se ishi i Genkut do të transferohet diku tjetër për të vijuar karrierën :
“ Ai është një lojtar i madh dhe kam bindjen se do ta gjejë veten në çdo ekip ‘’ , theksoi Mateja Kezman .
Më tej gjatë një interviste për të famshmen ‘ Calciomercato ‘ , ai u ndal edhe tek destinacionet e mundshme duke u shprehur kështu :
“ Po i vlerësojmë shumë seriozisht të gjitha alternativat por sipas mendimit tim Juventusi është një mundësi e shkëlqyer për Sergej dhe afirmon momentin brilant që po përjeton ai “ , përfundoi Mateja Kezman .
Pas shumë sezonesh i vënë në radarët e të mëdhave, për Sergej Milinkovic- Savic siç është theksuar edhe herë të tjera është një moment unik që s’të vjen dy herë gjatë karrierës për të veshur fanellën e një skuadre që do të mund ta afrojë me titujt për t’ia shpërblyer në mënyrën e duhur sakrificën tek një rival që meriton respekt në Scudetto dhe më gjerë .
Ylli i Lazios konsiderohet një pilar i pazëvëndësueshëm nga Maurizio Sarri por përpara dëshirave të tij idetë e teknikut Italian bien poshtë .
16 takimet e sezonit aktual me lacialët i kanë prodhuar ndjesi të mrekullueshme mesfushorit të ‘’ Shiponjave ‘’ në të cilat ka arritur 3 gola dhe 4 asiste dhe është shëndërruar në një referent kryesor i repartit të avancuar gjatë ndeshjeve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
