Ish-futbollisti, Ermal Tahiri, në emisionin “Skaner” në MCN TV, analizoi ndeshjen mes Tiranës dhe Vllaznisë, e cila u mbyll në barazim pa gola. Tahiri u shpreh se shkodranët dominuan totalisht, por u mungoi vetëm goli.
“Vllaznia tregoi se ka një ekip shumë të fortë, në të gjitha repartet. Tiranës i mori mesfushën. Bëri presion lart dhe mori qarkullimin e topit. Vllaznia ishte në ritëm më mirë se Tirana.
Shkodranëve i mungoi vetëm goli. Të gjithë rastet shkuan te Aralica, i cili humbi 5 raste të pastra. Dendësia në fushën e Tiranës ishte me shumë lojtarë.”, tha Tahiri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
