Pas largimit të Sommer tek Interi, drejtuesit e Bayern Munchen gjatë gjithë kësaj kohe kanë insistuar për gjetjen e një zëvëndësuesi ideal për Manuel Neuer dhe duket se tashmë ia kanë arritur qëllimit. Daniel Peretz , i cili aktivizohet për Maccabi Tel Aviv e ka bindur Thomas Tuchelin dhe për transferimin e tij në ‘’ Allianz Arena ‘’ parashikohet se gjermanët do të investojnë 5 milionë euro. Duke qenë se sezoni ka filluar, për skuadrën nga Mynih është e domosdoshme arritja e këtij objektivi dhe pritet që 23 vjeçari nga Izraeli të firmosë një kontratë deri në 30 qershorin e 2028-tës me rekordmenët e Bundesligës. Nëse do të fillojë një eksperiencë me Bayern Munchenin , për Daniel Peretz do të ishte një privilegj dhe njëkohësisht një shans për të fituar tituj të rëndësishëm , duke qenë se kjo skuadër është një ndër pretendentët kryesorë në çdo sezon , pavarësisht se aktualin e nisi me humbjen e Superkupës së Gjermanisë kundër Leipzigut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
