Sportingu i Lisbonës është shquar historikisht si një prej klubeve me prodhimin më të madh të talentëve në Portugali .
Tek kryeqytetasit prej kohësh po shkëlqen mesfushori Joao Palhinha dhe ky fakt nuk i ka shpëtuar Paris St Germain . ‘’ Les Pariziens ‘’ kërkojnë një element të eksperimentuar që mund të vendosë ekuilibrat në mesfushë dhe 26 vjeçari është profili i duhur për Mauricio Pochettinon i cili i ka të gjitha mundësitë për ti shëndërruar francezët në një superfuqi në futboll.
Sipas portalit ‘’ O Jogo ‘’ , parizienët janë shumë të interesuar për ta transferuar Joao Palhinha-n në ‘’ Parque de Prince ‘’ dhe sheiku Nasser Al Khelaifi ka ofruar rreth 60 milionë euro për yllin e Sportingut .
Talenti luzitan shikohet si trashëgimtari i Marco Verratit dhe për sa kohë i ka mbetur prezenca e tij mund të jetë një ndihmë e madhe për italianin në qendër të mesfushës .
Edhe Sevilla u interesua gjatë merkatos së kaluar verore por andaluzët nuk e përballuan kërkesën e Sportingut dhe Joao Palhinha qëndroi tek kryeqytetasit .
Por në rastin e ish kampionëve të Ligue 1 gjërat janë ndryshe sepse potenciali i tyre as që ka të krahasuar me atë të ‘’ Los Rojiblancos ‘’ dhe nëse marrim shembull goditjet e verës arrihet në konkluzionin se mundësitë janë të shumta në merkaton vijuese .
Të spikasësh tek Sportingu Lisbonës është një sfidë më vete sepse konkurrenca brenda skuadrës është tejet e ashpër por Joao Palhinha e ka kaluar me sukses këtë fazë dhe tashmë ka privilegjin të jetë pjesë e planeve të një prej ekipeve të ndërtuar për të triumfuar në të ardhmen për të cilët objektivi kryesor mbetet fitimi i Champions Leagues .
Njëkohësisht s’duhet anashkaluar se deri më tani kontributin e dhënë e ka kanalizuar në 15 ndeshje dhe 2 gola .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
