Roma po përgatitet për një merkato të madhe, pasi me afrimin e Jose Mourinhos në stol, sezonin e ardhshëm do të kërkojnë të fitojnë trofe. Një nga objektivat e fundit të verdhekuqve është portieri italian, Gianluigi Donnarumma, të cilit i ka përfunduar kontrata me Milanin.
Sipas mediave italiane, vetë Jose Mourinho ka telefonuar gardianin italian për ta ftuar t’i bashkohet te Roma, ndërsa Raiola ka konfirmuar se për klientin e tij dëshiron një pagë të majme prej 10 milionë eurosh në sezon.
Për Donnarummën Roma do të duhet të fitojë edhe betejën me Juventusin, por nëse nuk arrin të firmosë me portierin italian, atëherë është gati alternativa tjetër, Alphonso Areola, në pronësi të PSG-së, por që sezonin e fundit ka bërë mjaft mirë te Fulham, ku ishte në huazim.
Merkato e kësaj vere pritet të jetë e nxehtë, ku skuadrat po përgatiten për lëvizje të shumta dhe me shumë mundësi sezoni i ardhshëm në Serie A do të jetë spektakolar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
