“Flamurtari” nuk njeh kundërshtar në basketbollin e femrave.
Në sallën “Farie Hoti” vajzat e trajnerit Viron Toska, triumfuan me rezultatin e thellë 105-80 ndaj “Tiranës”. Një ndeshje e ekuilibruar deri në rezultatin 40-40.
Më pas lojtaret e “Flamurtarit” bënë diferencën teksa shënuan me anë të Katiç.
Për “Tiranën:,Verri u përpoq të mbante në lojë skuadrën me inkursione personale dhe dalje në sulm, por kualiteti i vlonjateve ishte i dukshëm. Më pas loja nuk pati më histori deri në rezultatin përfundimtar 105-80.
Kjo ishte fitorja e 12 radhazi në Kampionat për “Flamurtarin”, duke kryesuar bindshëm pa asnjë humbje.
I kontaktuar në fund të ndeshjes nga TvT, Toska theksoi se synimi i skuadrës është jo vetëm ta mbyllë me fitore çdo ndeshje, por të shënojë mbi 100 pikë.
Sponsor i skuadrës “Flamurtari”, është kompania MCN.
Ndeshjen e radhës, “Flamurtari” do ta zhvillojë pas një jave ndaj Elbasanit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
