Kalimi tek Aston Villa ka rezultuar hapja e një dritare shprese për Philippe Coutinhon dhe një ripërshëndetje me Premier Leaguen . Me transferimin tek londinezët braziliani ka filluar të rikuperojë terren dhe po e harron eksperiencën e trishtë tek Barcelona , ndër më të vështirat në karrierë .
Katalanasit shpenzuan rreth 160 milionë euro në merkaton e 2018-tës dhe që prej asaj kohe talenti nga Rio de Janeiro s’mundi të shkëlqejë dhe si mbeti zgjidhje tjetër veçse të përshpejtonte largimin nga ‘’ Camp Nou ‘’.
Shpëtimi i 29 vjeçarit rezultoi Premier League , këtë herë tek ‘’ Los Villanos ‘’ të cilët nën drejtimin e Steven Gerrard kanë mundur ti ofrojnë mbështetjen e duhur e cila është shpërblyer me tejkalimin e pritshmërive nga ekstremi .
Ishi i Liverpoolit është i ndërgjegjshëm se të qënit i huazuar i jep mundësinë e rikthimit në Katalunjë por sipas zërave të fundit e ka anashkaluar pa e menduar dy herë pasi i ka shkaktuar shumë pakënaqësi në të kaluarën .
Vendimi i brazilianit konsiderohet korrekt sepse Aston Villa i ka shtrirë dorën në një moment delikat dhe gjatë një interviste për Espn e ka konfirmuar një gjë të tillë :
“ Jam shumë i lumtur këtu . Punoj çdo ditë me impenjimin maksimal dhe dua të avancoj me Aston Villan “ , u shpreh Philippe Coutinho .
Në lidhje me të kaluarën asi brazilian theksoi se ëndërra e tij ishte përfqësimi i ngjyrave të Barcelonës por sipas ‘ Mundodeportivos ‘ shanset për tu rikthyer në Katalunjë janë krejtësisht të zeruara pasi në ‘’ Villa Park ‘’ gjithçka po shkon ashtu siç e kishte planifikuar .
Besimi i Steven Gerrard në aftësitë e ishi-t të Interit ka rezultuar qershia mbi tortë për një lojtar që gati-gati po harrohej por anglezët i trokitën në momentin e duhur në derë për t’ia rikthyer përsëri buzëqeshjen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
