Kampionati Botëror, i cili do të zhvillohet në Katar, është planifikuar të ngrejë siparin më 21 nëntor, por data mund të ndryshohet.
Ndeshja hapëse, është planifikuar të jetë ajo mes Senegalit dhe Holandës, më 21 nëntor në orën 11:00.
Megjithatë, FIFA po përgatit një propozim, që sipari të ngrihet një ditë më parë, pra më 20 nëntor. Kjo raportohet nga “Diario Ole” dhe gjithçka lidhet me faktin, se duan që ndeshja hapëse të jetë nga organizatorët e Katarit, ndeshja e të cilëve është planifikuar të jetë e treta, pra më 21 nëntor në orën 17:00.
FIFA do të propozojë, që ndeshja hapëse të luhet mes Katarit dhe Ekuadorit më 20 nëntor dhe programi tjetër i ndeshjeve më pas, të vazhdojë ashtu siç është me Senegal-Angli në orën 11:00 dhe Angli-Iran në orën 2:00, të 21 nëntorit.
Siç thekson burimi i sipërpërmendur, për t’u aprovuar ky propozim, anëtarët duhet të votojnë. Këtu përfshihen, Presidenti i FIFA-s, Xhiani Infantino dhe Presidentët e gjashtë Konfederatave (UEFA, CONMEBOL, CONCACAF, CAF, AFC dhe OFC).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
