Pas dështimit me transferimin e Saul Niguez në ‘’ Stamford Bridge ‘’ , Chelsea ka marrë një leksion të rëndësishëm dhe shpreson që në merkaton e ardhshme të kthejë faqen .
Mesfusha është një ndër repartet ku të besuarit e Thomas Tuchel kanë çaluar dhe gjermani kërkon ta zgjidhë menjëherë këtë problem . I zgjedhuri është Adrien Rabiot i cili është anashkaluar nga Massimiliano Allegri dhe eksperienca në Torino e ka dëmtuar vijimësinë e francezit .
Situata e mesfushorit është interpretuar si një shans për tu përmirësuar nga ‘’ Blutë e Londrës ‘’ të cilët janë shfaqur si një dritë në fundin e tunelit për ta ndihmuar 26 vjeçarin të buzëqeshë përsëri .
Sipas ‘ Calciomercatos ‘, Chelsea ka iniciuar kontaktet për Adrien Rabiot i cili shpreson të rikuperojë terrenin e humbur me ‘’ Zonjën e Vjetër ‘’ dhe ku më mirë se tek kryeqytetasit të cilët po gëzojnë shumë suksese me Thomas Tuchel në stol .
Interesi i britanikëve është edhe një shans për fuqizimin e arkave nga juventinët por analizat vijojnë sepse s’përjashtohet huazimi i Adrien Rabiot apo në të kundërt blerja përfundimtare nga një skuadër që mendon për shtimin e trofeve në vitrinë . Falë sakrificave të ishi-t të Dortmundit , në Londër po përjetohet një periudhë e mrekullueshme e cila pritet të lërë të tjera gjurmë me kalimin e kohës sepse anglezët janë shëndërruar në një ekip tepër kompetitiv dhe i paparashikueshëm.
17 ndeshje të luajtura pavarësisht se nuk kanë marrë vlerësimin e Massimiliano Allegrit kanë rezultuar të mjaftueshme për Thomas Tuchel dhe sipas zërave të fundit me shumë gjasa ky akord mund të mbyllet shumë shpejt .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
