Prej shumë kohësh Karim Adeyemi vijon të jetë një objektiv për ekipet më të rëndësishëm të Europës.
Sulmuesi po zhvillon sezonin e katërt në rradhët e Borussia Dortmundit dhe gjatë kësaj merkatoje Arsenali, Manchester United dhe Barcelona do të masin forcat për shërbimet e tij.
Sipas ‘ Caught Offside ‘, situata e tij nuk është anashkaluar nga drejtuesit e ekipeve të sipërpërmendur duke qenë se vijon të bëjë diferencën në metrat e fundit.
23 vjeçari është i rrezikshëm për çdo rival dhe në këtë histori sigurisht më të avantazhuar janë ‘’ Topchinjtë ‘’ dhe ‘’ Djajtë e Kuq ‘’ për arsye të aspektit ekonomik.
Sipas zërave të fundit drejtuesit e ‘’ Verdhezinjve ‘’ janë të gatshëm të dëgjojnë oferta duke filluar nga 60-70 milionë euro duke qenë se rendimenti i Karim Adeyemit është gjithmonë në rritje.
6 gola dhe 3 asiste në 22 sfida në sezonin aktual numëron nxënësi i Niko Kovaç, pa dyshim një ndër më të mirët në 11-she.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
