Trajneri Ernest Gjoka, duke folur për dy barazimet e Laçit dhe Vllaznisë në Europë, u shpreh se diferencën e bënë dy trajnerët me eksperiencë, Shpëtim Duro dhe Mirel Josa.
Për këtë të fundit, Gjoka në emisionin “Skaner” në MCN TV, deklaroi se e kishte përgatitur ndeshjen shumë mirë, ndaj një kundërshtari, që ishte më i vështiri për ekipet shqiptare.
Të enjten ishin dy ndeshje pozitive për futbollin shqiptar, me Laçin dhe Vllazninë. Isha i lumtur kur pashë interpretimet e të dyja skuadrave. Mendoj se diferencën në këto dy ndeshje e bënë trajnerët, eksperienca e tyre.
E kemi thënë edhe më parë, që Vllaznia ka përballë një nga skuadrat më të vështira për të gjitha ekipet shqiptare në Europë. Mendoj që e interpretuan shumë mirë. Një nga meritat kryesore në përgatitjen e ndeshjes, e ka trajneri Josa. Isha i bindur që do e përgatiste ndeshjen në mënyrën e duhur, ndonëse përballë ka një kundërshtar me cilësi më të mëdha se Vllaznia, por që në fushë nuk u ndjenë.
E kishte përgatitur shumë mirë këtë ndeshje, ia doli dhe na kënaqi. Tregoi një futboll të mirë. Ndërhyrja e Josës në momentin e duhur, qetësia që i dha skuadrës dhe agresiviteti që tregoi skuadra në fushë, ishin çelësi i skuadrës. Këto i sjell eksperienca dhe një staf i përgatitur mirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
