Me Hugo Lloris tashmë 35 vjeçar , Tottenham Hotspuri ka filluar tratativat për gjetjen e një zëvëndësuesi ideal për francezin dhe i ka hedhur sytë tek modestët e Nantes .
Alban Lafont ka fituar shumë pikë sidomos pas paraqitjes së mrekullueshme në fundjavën e kaluar kundër Paris St Germain ku ndali një penallti të kryeqytetasve duke e ndihmuar skuadrën e tij për arritjen e një triumfi historik.
Por suksesi sapo ka filluar për 23 vjeçarin për të cilin traineri Didier Deschamps mendon se mund ta zëvëndësojë Hugo Llorisin dhe të shënojë fillimin e një etape të re tek kampionët e botës .
I vetmi ngërç në këtë histori është se kontrata e ishi-t të Fiorentinës përfundon në 2024-tën por sipas mediave të rëndësishme, ky operacion mund të finalizohet për 10-15 milionë euro, shifër aspak problematike për ‘’ Gjelat e Londrës ‘’.
Megjithatë siç ndodh rëndomtë gjatë merkatove , ‘’ Spursat ‘’ do të zhvillojnë një derbi me Arsenalin për Alban Lafont dhe me shumë gjasa e ardhmja e shtatlartit nga Burkina Faso do të jetë në Premier League , aty ku dy rivalë shumë të vështirë për tu mposhtur po presin për afrikanin .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
