Vështirësitë e hasura gjatë kohëve të fundit e kanë vënë në pikpyetje qëndrimin e Luis Enriques në stolin e Paris St Germain.
Edhe pse konsiderohet një trainer shumë profesionist, ‘’ Lucho ‘’ po gjendet përballë disa situatave të ndërlikuara, pavarësisht se drejton një skuadër mjaft cilësore.
Barazimi i djeshëm në fushën e Nices, sfidë e vlefshme për kampionatin por edhe pararendëset vijojnë të mos bindin dhe në fund të fundit rezultatet merren parasysh.
Tensioni tek kryeqytetasit është evident dhe presioni shumë i madh sepse objektivi kryesor është fitimi i çdo kompeticioni, kryesisht ai i Champions Leagues.
Megjithatë, ashtu siç njihet botërisht spanjolli vijon ti qëndrojë besnik i bindjeve të tij në lidhje me avancimin e mëtejshëm, i cili karakterizohet për faktin e të qënit i drejtperdrejtë.
Humbja e vendit të parë në Ligue 1 është sigurisht shqetësues por gjithsesi është ende herët për të nxjerrë konkluzione.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
