Edi Reja nuk do të firmosë kontratë të re me Kombëtaren kuqezi. Emri i trajnerit të ri do të përzgjidhet nga një listë e gjatë kandidatësh të vetofruar, mes të cilëve nuk ka shqiptarë. Në studion e lajmeve, gazetari Gert Çarçani tha se gjasat janë që presidenti i FSHF-së do të zgjedhë një emër të huaj.
Emrat i ka vetëm presidenti i Federatës. Por emrat janë të shumtë. Shumë vetëofrohen. Mesa kam parë deri tani, presidenti e ka të vështirë të rikthehet te zgjedhja shqiptare. Është përpjekur të jetë etik deri në fund me trajnerin Reja, i cili nuk dorëzohet.
Mes kandidaturave të përfolura deri tani në mënyrë jozyrtare, Çarçani përmendi Esteban Cambiason, Luigi di Biagion dhe Marco Gianpaolo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
