Merkatoja e verës po bëhet ditë pas ditë edhe më produktive për Interin . Me mbërritjen e Simone Inzaghit në ‘’ Giusseppe Meazza ‘’ zikaltërit kanë marrë zemër dhe nuk e kanë ndalur për asnjë moment dëshirën për tu përmirësuar . Këtë herë sipas ‘’ The Sun ‘’ kampioni i Italisë ka firmosur me talentin 16 vjeçar të Shamrock Rovers Kevin Zefin , operacion që pritet të zyrtarizohet në javët vijuese .
Përpara 1 viti lojtari me prejardhje shqipëtare arriti të thyente një rekord më vete duke u shëndërruar në golashënuesin më të ri të kampionatit me 15 vite mbi supe .
Kevin Zefi konsiderohet një ndër futbollistët më premtues në këtë shtet por tashmë do të jetë pjesë e një ndër ligave më të famshme të Europës.
Pa dyshim që për lojtarë të këtij kalibri gjithmonë pretendentët janë prezentë por ofertat e mbërritura nga Gjermania , Hollanda dhe Anglia nuk kanë patur shumë histori sepse zikaltërit u treguan më të shkathët duke ia fituar zemrën .
Për Kevin Zefin është parashikuar përfshirja në ekipet e moshave dhe në bazë të performancës së bërë drejtuesit e italianëve do të marrin vendimin përkatës për anësorin e lindur në Dublin .
Me këtë transferim Interi po shkon drejt një ndërthurjeje interesante sepse po i kushton rëndësinë e duhur afrimit të talentëve që do të përcaktojnë në një farë mënyre fatet e skuadrës në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
