“Merkaton e mbyllim me një afrim”, Halili: Jemi të fokusuar vetëm në Europë, Petrocub më i fortë se Iskra

Drejtori i Laçit, Naim Halili, duke folur për mediat, u shpreh se i gjithë fokusi i Laçit në këtë moment është në Europë, aty ku luajnë në turin e dytë të Conference League.

Për kundërshtarin e radhës, Halili tha se është më i vështirë se Iskra që kaluan kurbinasit dhe shtoi se kanë një mesfushë të fortë, pasi i ka ndjekur në ndeshjen e tyre të parë.

E gjithë vëmendja dhe përqendrimi jonë është në Conference League momentalisht. Ambienti në Laç është gjithnjë entuziast. Kemi një ekip me cilësi. Shpresojmë të ecin sa më larg në këtë kompeticion. Po shikojmë edhe një mesfushor dhe më pas mendojmë se ekipi është i kompletuar. Vetëm nëse kemi ndonjë largim do të futemi në merkato.

Iskra ishte një ekip më i lehtë për nga ana e cilësisë, Petrocub ka pak më shumë kualitet. Unë e kam folur me trajnerin dhe ia kam thënë. E pashë ndeshjen e parë të Petrocub në Maltë dhe kishin ekip të mirë. Mesfusha e tyre ishte e fortë, por besoj se është ekip i kalueshëm.