Mario Mitaj, mund të bëjë hapin më të rëndësishëm në karrierë, gjatë merkatos së verës.
Sipas raportimeve nga “Tuttosport”, mbrojtësi ndiqet me interes të madh nga klubi i Juventusit.
Në gjurmët e Mitajt, ka rënë drejtori i bardhezinjve, Giuntoli, i cili pritet ta ndjekë nga afër, në miqësoren e Shqipërisë me Kilin, këtë të premte në Parma të Italisë.
21-vjeçari është pjesë e Lokomotivës së Moskës në Rusi, skuadër ku u transferua nga grekët e AEK-ut.
Mbrojtësi i majtë, tërhoqi vëmendjen e të gjithëve në kualifikueset e Europianit, ku ishte një nga më të spikaturit te Shqipëria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
