Bylis mposht me përmbysje Tiranën në gjysmëfinale të Kupës, dyshime për ndeshjen

Është mbyllur ndeshja e parë gjysmëfinale e Kupës së Shqipërisë mes Bylisit dhe Tiranës që përfundoi me fitoren e ballshiotëve me përmbysje 2-1.

Në pjesën e parë Tirana ishte dominuese dhe krijoi disa raste për shënim, ndërsa golin arriti ta realizonte në minutën e 20 me Edon Hasanin. Deri në përfundim të fraksionit të parë të lojës u krijua përshtypja se Tirana do të arkivonte një tjetër fitore, por ndryshe ndodhi.

Në pjesën e dytë ‘bardheblutë’ thuajse u ‘fikën’ dhe nuk ekzistonin në fushë. Pas disa rasteve më shumë se të pastra, goli i barazimit do të vinte në minutën e 65. Më tej do të ishte po i njëjti autor, kapiteni Murataj, që do të përmbyste shifrat. Në fund Bylisi humbi edhe një penallti, por për këtë takim janë ngritur shumë dyshime.

Një faqe e njohur ndërkombëtare bastes në përfundim të pjesës së parë kur Tirana po fitonte ndeshjen, përmbysjen e Bylisit e mbante me një koeficient shumë të vogël. A thua se e dinte rezultatin e përfundimit të ndeshjes.

Gjithsesi gjithçka do të mbesë në kuadrin e fjalëve, por për Kupën e Shqipërisë shpeshherë ka patur aludime se ndeshjet manipulohen.